【Now財經台】內地經濟疲弱，唔止打擊內地消費市道，影響更遠至歐洲，大媽爆買狂掃畫面唔見咗，令一眾奢侈品牌「冇啖好食」。據《彭博》報道，部分品牌市值縮水50%至70%，過去幾個月，呢啲奢侈品牌市值蒸發近2500億美元，折合約1.95萬億港元，到底呢啲星級品牌有幾慘？
報道話，喺咁多個品牌中，以Gucci母公司開雲集團(Kering SA)及德國名牌Hugo Boss AG最傷，過去1年，市值唔見咗一半，Kering SA曾經喺法國CAC 40指數排前10名，依家跌到23位。
英國百年品牌Burberry市值過去1年勁縮70%，仲被踢出富時100指數。
早前，LVMH旗下Tiffany & Co.計劃將上海旗艦店面積「腰斬」，仲要同業主傾減租。
