【Now財經台】小米集團(01810)股價上星期衝上19元樓上，但之後無以為繼，昨日(4日)更失守10天線，股價今早(5日)一度跌1.7%，低見18.34元。市場上較熱門嘅CALL，行使價19元或23元，年底到期，槓桿分別有7倍及9倍，19元似乎到價機會好大，做短線部署值唔值博？
法興銀行證券上市產品銷售部董事周翰宏指，小米股價強勢，一直企喺18.4元樓上，回補裂口後，如果大市出現反彈，小米應會率先跟升，投資者可以考慮揀行使價19元至20元嘅CALL，但前者屬於對沖值較高嘅條款。
佢又話，投資者亦可以考慮揀行使價約20元至21元，12月底到期嘅條款，實際槓桿8倍，有唔錯嘅爆發力。
