【Now財經台】有巿民擔心放工時段交通混亂，教育局宣布，所有日校今、明兩日停課。
放工時間才掛8號風球，一眾「打工仔」最關心交通安排。
市民李小姐說:「麻煩，大家都趕住一齊收工，又迫埋喺5、6點一齊走，咁就唔係太好。(期唔期望明日有風假？)有咪多謝，唔知『力場』會唔會令我哋唔可以掛波。」
市民張先生說：「(擔唔擔心明日放風假啲工作做唔完？)唔會，工作唔可能做得完，日日都有新工作，冇辦法，就算唔係8號風球，觀塘平日都大塞車，我認為已經比以前好，因為一早知道大約幾點掛8號風球。」
另一方面，打風水浸黑點杏花邨，中午時份風勢已開始轉強，潮漲時不斷有海浪拍打上岸，有巿民在岸邊觀浪。此外，去年黑雨嚴重水浸的柴灣環翠商場，部分位置已架起擋水板，旁邊亦擺放了沙包做好準備。
至於另一個水浸黑點鯉魚門三家村，部分居民及商戶已安裝了擋水板和擺放沙包。有餐廳負責人表示，若「摩羯」正面吹襲，估計損失可達10萬元，已準備好通宵留守。
三家村餐廳負責人李女士說:「如果打正時間，最擔心係雪櫃，如果真係浸到雪櫃，可能都接近10萬元，因為貨物及雪櫃都保唔住。呢個接近4米，大家睇到對面，我屋企全部入水，現在風平浪靜水位已咁高，如果一打颱風，第3個浪已經入屋。」
有氣象專家估計，隨著「摩羯」逐漸增強，本港今晚(5日)會轉吹東風。
香港氣象學會發言人梁榮武說:「如果跟一啲極端情況，例如2018年『山竹』及2017年『天鴿』比較，『摩羯』的威脅唔係太大，但今晚至明早(6日)會轉吹東風，即使同等風力，若轉吹東風，因為冇遮冇擋，我們會覺得風力會大啲。」
梁榮武又稱，「摩羯」中心附近最高持續風速明日將會增強，預期會維持超強颱風的強度。
