【Now財經台】前美國總統特朗普(Donald Trump) 旗下嘅Trump Media & Technology Group(美股:DJT) 3月開始公開交易，借住特朗普再參選總統嘅氣勢炒高，但之後無而為繼，股價碌返落嚟，呢隻「特朗普概念股」創新低，係咪一個投資好選擇？炒呢類成交好少嘅股票又有咩秘訣？
資深經濟師羅家聰指，DJT冇乜投資價值，走勢似「妖股」，公司營收又唔多，只可以炒下特朗普概念，依家DJT股價跌到約17美元，維持喺公開交易前嘅橫行區間，現時估值唔算好抵，加上股價有可能繼續尋底，唔建議太早博反彈。
KC又話，過往DJT爆升都只得一至兩日貨仔，加上冇路捉，每次升完就慢慢跌返落去，如果喺爆升後沽貨係炒DJT嘅秘訣。
