【Now財經台】截至早上11時止，1小時內《彭博》用戶搜尋量最多港股，依次為紫金礦業(02899)、中國石油股份(00857)、中國海洋石油(00883)、中國石油化工股份(00386)及ASMPT(00522)。
高盛繼續建議買黃金，預期明年初見每盎司2700美元，但睇淡銅價，該行將明年銅價預測降至每噸10100美元。產銅及產金都係紫金毛利主力，產銅毛利更高過產金，若睇淡銅價前景，係咪會直接打擊紫金業績？
資深證券分析師彭偉新指，因擔心環球經濟增長放緩，以及美國經濟陷入衰退，令市場對銅價睇法轉淡，若銅價顯著下挫，會對紫金毛利率有好大影響，就算大行睇好金價走勢，都唔及銅價下跌導致毛利率下跌嘅影響。
Castor續指，紫金股價今日(4日)急挫，即使收入盈利變化唔大，但毛利率顯著下跌，對股價造成一定壓力，認為紫金股價有機會再下試低位。
