【Now財經台】國際金價回落至每盎司2500美元樓下，市場預期，美國聯儲局今個月會開始減息，有分析指，金市有個「9月魔咒」，意思係9月係金價每年表現最差嘅月份，自2017年以來，金價9月平均跌3.2%，綜合各項因素睇，金價9月係咪易跌難升？
獨立外匯商品分析師譚家康指，市場普遍接受美國9月減息0.25厘，不過，對金價嘅支持力度唔大，近期推動力主要來自戰事因素，近期俄烏戰事出現較多變化，令俄羅斯有好大誘因將戰事升級，但呢啲因素仍未完全反映喺金價上，相信會成為金價下一波上升動力，暫時可以考慮喺前高位，即2448美元水平部署好倉，會比較值博。
