【Now財經台】中策資本控股(00235)最新公布，收購是菲律賓銀行Citystate Saving Bank(CSB)約27%股權，作價1億港元，截至6月底止，CSB資產淨值1.56億港元，以今次交易作價金額計，出價嘅市帳率(PB)約2.4倍，而CSB截至去年底止，PB僅約1.28倍，點解中策今次出手咁闊綽？
《香港股票財技密碼》作者梁杰文指，雖然中策通告話睇好菲律賓係因為當地經濟高速增長，銀行業前景理想，但睇返CSB財報，近兩年都蝕錢，而今次出價嘅PB約2.4倍，同環球銀行股相比係偏高，反映今次收購溢價及估值都偏高。
Mike又話，雖然中策睇好CSB潛力，但後市仍要留意中策高層點樣可以令CSB「起死回生」，改善CSB經營前景嘅計劃。
