【專家分析】係時候買美債

【Now財經台】踏入8月，美國10年期債息一直企喺4厘樓下，而債價已連續4周錄得升幅，係2021年以嚟最長升浪，不過，睇好債市嘅聲音早喺年初已經出現，結果要等到9月先見到聯儲局有機會減息，今次係咪可以做定債市部署？

星展銀行(香港)豐盛私人客戶執行董事鄧威信認為，見到唔少資金由股市流返入債市，因為市場都認定美國9月會啟動減息周期，資金希望可以為未來幾年鎖定較高嘅孳息率，依家的確係買美債嘅好時機，但要留意債價會出現波動，加上市場對聯儲局減息幅度仍有唔同睇法，如果最終減息0.5厘，孳息率將會再向下，所以現階段係買美債嘅好時機。