【Now財經台】環球股市今個月大幅波動，「元兇」包括月初爆發日圓拆倉潮，以及美國聯儲局主席鮑威爾(Jerome Powell)為減息「開綠燈」，睇返幾個主要股市表現，美股方面，道指向下，但納指要跌，日本及南韓股市都要跌，不過，港股有得升，展望9月，市況係咪會持續波動？
安柏環球金融首席投資總監雷志海指，市場9月一定係重點關注聯儲局議息結果，睇法鮑威爾嘅言論，美國9月減息可以話毫無懸念，由於對市場嚟講係一個好大嘅政策轉變，預期股市短期會持續波動。
佢又話，美股有板塊輪動跡象，過去熱炒嘅「科技7雄」(Magnificent 7)及人工智能(AI)熱潮都降溫，投資者變得審慎，成個科技市場進入咗「消化期」，加上喺減息周期下，資金都傾向流入中小型股，板塊輪動會愈來愈明顯。
