【Now財經台】科笛(02487)股價已連升12日，今日(29日)輕微低開，集團中午出通告，更新主要產品商業化進度，股價之後升幅不斷擴大，最終以接近全日高位收市，報12.5元，升逾7%。
科笛去年6月在港上市，公司核心產品仍未成功商業化推出市場，商業化進度未如理想，加上研發開支增加，公司過去3年都要蝕錢，去年虧損按年有所擴大。
科笛股價近日異動，連升12日，由10元升至現水平，成功突破橫行區，但成交似乎唔係太配合，今日高位跟上市價21.85元，仍有約40%差距，上面蟹貨重重，要留意公司收市後公布嘅中期業績。
