【Now財經台】蒙牛乳業(02319)上半年少賺19%，收入跌13%，但毛利率按年有得升，唔派中期息，但集團宣布未來12個月，最多動用20億元回購股份，雖然股價收市大升近10%，但今早(29日)曾創逾7年新低，但好快掉頭向上，股價今日係咪純粹因為業績因素及股份超賣而出現反彈？股價幾時會真正轉勢？
耀才證券研究部總監植耀輝指，蒙牛股價依家的確比較弱勢，短期而言，回購係會利好股價，但中長線仍要基本面好轉，加上做回購需要資金，要業績理想先有資金回籠，除非未來嘅業績有更大改善，否則，單靠回購好難扭轉跌勢。
