【香港可以偷師？】希爾頓酒店「有計」解決內地寫字樓供應過剩問題

【Now財經台】本港寫字樓空置率高企，中原集團創辦人施永青日前透過佢旗下報章嘅專欄，向政府「獻計」，建議將空置嘅寫字樓改建住宅，用嚟安置劏房戶，幫手解決部分住屋問題。內地同樣有寫字樓供應過剩問題，酒店營運商希爾頓(Hilton)都「有計」幫手解決呢個問題。

據《彭博》報道，希爾頓亞太區發展高級副總裁Clarence Tan表示，計劃未來幾年喺內地再開100間酒店，而未來年半喺內地新開業嘅酒店，有25%係改裝空置Office而成，更直指內地寫字樓、商舖需求唔大，「酒店嘅機會就嚟」。