【名家給力場】內房發展要戒「三高」

【Now財經台】自7月三中全會政策審議通過後，港府日前舉辦三中全會精神座談會，唔少市民關注政策對房地產市場嘅影響，當中有冇特別重要嘅重點政策？

廣東省地產商會副會長尹德輝指，政府目標係令市民可以安居樂業，其中，「租購並舉」係政策重中之重，並提倡政府喺保障房方面落重藥，讓政府購房以保障市民可以租樓。

佢又提及，發展商要放棄過往嘅「三高」發展模式，即「高負債、高槓桿、高周轉」，改為發展新模式，希望發展商唔再做高槓桿，量力而為，喺有幾多做幾多嘅情況下，同時保障房屋質量。