【Now財經台】申洲國際(02313)今日(28日)中午公布業績後，股價午後一度急挫近10%，集團上半年賺逾29億元人民幣，按年增長近38%，值得留意係，利息收入按年大增65%，但盈利增長似乎主要係靠利息收入，呢份成績表又收唔收貨？
元宇證券投資總監林嘉麒表示，睇申洲股價反應市場明顯係唔收貨，但其實係好正常，因為呢類公司唔應該靠利息收入撐起盈利，市場會擔心未來經濟情況進一步轉差，申洲盈利及收入會再出現波動。
KK又話，由於申洲收入分布唔健康，令定單及庫存喺下半年面臨好大挑戰，加上大客Nike收入按年大跌，令市場更憂慮申洲會唔會畀個別客戶拖累，繼而令業績下滑。
