【Now財經台】喺美國上市嘅內地電商股拼多多(美股:PDD)出完業績後，股價暴瀉，昨晚(27日)仍未止跌，再挫4%，收報95.91美元，到底拼多多現價係咪已反映所有利淡因素？
潤淼資產管理董事盧志威指，作為一隻高增長股，拼多多市盈率(PE)跌到10倍樓下，雖然已反映咗利淡因素，但市場仍對內地消費有降級預期，所以拼多多短線而言，100美元關口係好難頂得住，但中長線而言，等股價落到90美元水平買入，贏面仍然好大。
此外，拼多多競爭對手京東集團(09618)公布新一輪回購計劃，未來36個月會動用唔超過50億美元回購股份，雖然回購價高過上次，但市場仍然睇得唔樂觀。佢認為，市場睇淡嘅唔止係消費股，而係整個投資市場氣氛，消費股未來會唔會有反彈，就要睇…
