【now.com財經】知道嘅，噚日指數喺再稍後嘅時間高走到17,879點，亦都係一個8月嘅新高位(雖然計埋今日8月都只係得返3日)，換言之噚日隻好倉基本上如果守得到咁後嘅話，收返嚟嘅賺幅唔止噚日咁少。Anyway，正數就OK啦！
唔知大家有無玩美股，皆因今晚股王Nvidia(NVDA)就會公布業績。無美股Account但又想參與下嘅話，都有方法嘅，因為目前市場上有以Nvidia作為underlying嘅Call/Put比大家進行買賣，量同選擇就真係唔多嘅，每邊分別有6隻同5隻，但還好條款都唔算太差，行使價同噚晚收市價126.46美元較近嘅有(10314)同(10299)，但就真係要留意返本身呢類美股輪喺市場上唔算好活躍，注碼上或者策略上或者同你平時玩開嘅有所調整一下。
依家只係9點14分，大家一齊等緊指數完U，未開市之前如常的同戰友一齊睇返五分鐘、小時圖同日線圖嘅走勢，其實都已經見到Slow STC(14.3)喺呢三個唔同時軸嘅圖都上到超買至嚴重超買嘅範圍，暫時見只係得日線圖有保歷加通道口拓闊，「上升通道」成形兼且算是突破5月中至8月初形成嘅「下降通道」，若然下方100線守得住嘅話，有望開18,000點攻防戰。
完U後指數開跌26點，報17,847點，開市後指數都走得比較唔穩定，唔緊要，反正見到呢個開市變幅，喺作戰室一早講定等佢初段Chok完有方向先至再算。
10點未到見指數有向下進行突破，作戰室淡倉已經準備好晒，10點搭正保歷加通道口拓闊，指數向下落如傘乓，小時圖上見指數亦失守10線落到20線位置。
明白依家(10點21分)五分鐘圖上即使保歷加通道仍然拓闊中，但Slow STC(14.3)已經落到嚴重超賣水平，呢個位出淡倉的確係進取&冒險。
同步小時圖見指數向住中軸壓過去，正路等等五分鐘圖嘅Slow STC(14.3)放鬆少少之後先至出嘅。
時間嚟到10點半左右，17,700點都失過，指數重新踩返落去牛證街貨層，恒指熊(68331)，收回價18,120點，同現價有約370點，槓桿有約41.3倍夠做Day Trade，如果今日咁跌得，應該連小時圖嘅中軸都無埋，直接被Slow STC(14.3)扯落去，安全嘅等 失守中軸先至出動啦；小心落到低位之後橫行至收市。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
