【Now財經台】中海物業(02669)今日(27日)中午公布業績後，股價午後由跌轉升，一度升近8%，高見4.73元。集團中期多賺近16%，收入按年增長近9%，中期息按年大增逾54%，毛利率升0.8個百分點至16.8%。睇返內房依家嘅情況，公司盈利增長仍達雙位數係咪已經唔錯？不過，毛利率上升空間係咪唔大？
信達國際研究部董事趙晞文指，中海物業司盈利增長唔錯，不過，對應返過去幾年及市場預期就驚喜唔大，屬於平穩增長。
毛利率方面，晞文認為，短期而言，集團只可以靠節省成本提升毛利率，例如人力資源成本及雜費，但上升空間都唔大。長遠而言，若要再推高毛利率，就要靠優質項目及增值業務，但要留意集團嘅增值業務盈利佔比呈下跌趨勢。
