【Now財經台】美國聯儲局啟動加息周期以嚟，美元就升唔停，美匯指數曾於2022年升至110樓以上，但隨著美國快將開始減息，美匯指數今個月持續向下，今日(27日)一度低見100.5水平，跌至去年7月以來低位，美匯指數係咪好快跌穿100關？美元走勢逆轉會唔會令資金重新部署？
iFast Global Markets副總裁溫鋼城指，美元走勢逆轉已經係大勢所趨，估計美匯指數落到100水平會有反彈，而美國即將步入減息周期，市場預期，聯儲局年內最少減兩次息，始終會為美元帶來壓力，因為一個國家減息會令當地貨幣弱勢，所以美匯指數有可能回落至98水平。
至於對投資市場嘅影響，美元弱對高Beta指數嘅資產有利，例如比特幣(Bitcoin)同新興市場股票等，會令投資市場更加均衡，加上美股不斷升上去，標指市盈率(PE)已介乎23至24倍，逼近歷史高位，所以之後回落亦係合理。
