【Now財經台】建滔積層板(01888)今日(26日)中午出咗半年業績，上半年純利及中期息都有增長，但值得留意係，過過去幾個半年業績見到毛利率喺過去1年急跌。管理層表示，電子行業迎來新一波增長周期，導致覆銅面板需求上升，帶動覆銅面板營業額增加，但未來數年覆銅面板需求又係點？電子行業增長周期對毛利率有冇幫助？
博威環球證券金融首席分析師聶振邦指，建滔積層板收入較穩定，有大行睇好印刷電路板(PCB)板塊前景，由於建滔積層板呢隻股份本身有稀有性，所以不時有資金流入，不過，公司始終屬於製造業，技術層面上或存在競爭，加上唔似下游業務有品牌效應，所以前景或有暗湧。
聶Sir又認為，建滔積層板毛利率有波動性，所以要睇多2或3次中期業績，先可以判斷毛利率係咪已經穩定，佢又認為，集團毛利率要上返20%唔難，但要去到30%以上就有較大難度。此外，亦要關注集團成本控制問題。
