【Now財經台】近年靠海外市場突圍嘅時代天使(06699)，股價今日(23日)高開逾3%後，升幅一度極速擴大至近20%，高見62.75元，衝上逾兩個月高位，成交股數較過去100日同時段平均大增9倍。
生產「隱形牙套」嘅時代天使昨日(22日)收市後公布業績，海外成績令人鼓舞，其中，收入增速大幅跑贏內地市場，而海外市場收入佔體收入比重升至26.5%，不過，海外市場仍然要蝕錢，亦要持續面對主要競爭對手隱適美(Invisalign)嘅挑戰，「出海」幾時能扭虧未來都要留意。
技術走勢方面，時代天使股價已形成雙底，底部喺50.7元水平，今日(23日)成功突破頸線，即57元水平，下一站可上望63元水平。
