【Now財經台】京東集團(09618)昨晚(21日)證實,沃爾瑪(Walmart)不再持有京東股權,悉售1.445億股美國預託證券(ADS),相當於2.89億股,每股作價24.95美元,較周二(20日)美股收市價折讓11%,套現36億美元,今次減持係咪反映外資睇淡中資企業前景?
東亞銀行財富管理部首席投資策略師李振豪指,從宏觀角度睇,Walmart今次沽貨同美國11月舉行嘅總統大選有關,最近幾個月,歐美每個月都推出唔同政策打擊中國相關貿易,令市場憂慮會再爆發金融戰,其中,可能會繼續限制退休基金投資A股及港股,甚至再加大力度,從而壓制內地及本港經濟,所以喺金融戰再開打前,有唔少外國企業開始沽出手持嘅A股及H股,因為擔心會被波及。