【股市脈搏】西泥業績後兩日累跌近20%

【Now財經台】西部水泥(02233)周一(19日)出咗業績後，股價已連續兩日大跌，今日(21日)成交比昨日(20日)更多，但股價今日平開後，隨即向下，一度急瀉逾15%，尾市跌幅收窄，收市報0.89元，跌逾7%，股價兩日已累跌近20%，今日成交較過去100日平均增5倍。

睇返技術走勢，西泥股價連跌兩日，開出兩支大陰燭，今日低位見0.81元，創5個月新低，亦係今年股價突破嘅關鍵位置，若守唔住呢個位，或要下試年初低位，即0.56元水平。