【now.com財經】噚日揀咗隻恒指熊(64594)出嚟，平均買入價為0.054元，Set好借小時圖10線作為上方量度線，至於下方目標價則為噚日開市裂口底部17,441點。
上半場臨完場前借五分鐘圖Slow STC(14.3)兩線見觸頂而出貨；持貨至下半場都心知指數係行得慢嘅，不過只要方向正確都OK架啦。去到大約1點50分，見指數向住目標17,441點衝過去，但可惜最後都只係落到17,499點，唔緊要，皆因形態上見低位「錘頭」，仲有Slow STC(14.3)出觸底，同目標價爭8點但出晒轉勢訊號，(64594)走囉。
同平時一樣用10分鐘作為走貨時間的話，按期內(64594)高低位做過0.059元/0.056元，平均走貨價為0.0575元，呢一趟平均都只係執到3.5格或6.48%，Well，好過無咁解囉。
噚日收市後過咗去老媽同舅父屋企，皆因婆婆離開咗都成九個月啦，儲喺佢嗰度嘅「集體回憶」(相簿)終於都要分開返咁多伙人，拎返有我嘅部份返到屋企再睇，所有嘢都好似噚日發生咁，歷歷在目。
今日要好好地完成所有工作，之後就開始將所有相進行「數碼化」程序(都係用自己電話個相機影返低再save返入hard disk啫)。
感謝恒指今日開出一個好方向嘅走勢出嚟，升/跌都唔怕，最怕佢唔郁。指數今日低開197點之後，作戰室「係咁易」度完小時圖同日線圖之後，已經Plan定出淡倉，真係，今日度嚟都無用，留返啲時間比大家全力追淡爬格仔好過。
都話日線圖前日嘅教科書式「射擊之星」同噚日100線二度不破，指數都真係比較大機會掉頭。到正式開市之後，指數向下挫到落去暫時(@9點55分)低位見17,232點，作戰室爬完淡倉格仔之後，亦已經有戰友見下影線出做咗反手，目前稍為企高於開市價少少，保歷加通道重新平衡返，多得騰訊(00700)同中移(00941)撐住個市。
10點後見指數大約喺17,300至17,350點呢50點之間上落，有啲似指數大踩步完之後開始又進入Hea嘅階段。小時圖上見今朝首半小時出嘅「十字星」，低位剛好有150線接一接，再換上保歷加通道則見底線有接住指數。
低開高走借到線係咪想出好倉先？我都係咁諗，但到依家都仲未出第二注皆因仲等緊啲線位，比個多訊號確認到方向號嘅話先至再出倉，以圖增加勝算率啫。
恒指牛(67642)，收回價16968點，稍稍低於17,000點，見到迫到17,000點邊皮都知唔對路啦，所以安全嘅，睇好位就得啦，槓桿有約40.3倍夠做Day Trade，爬格都夠快架啦。
上方借住小時圖約17,403點，即上個星期五(16日)最後一粒燭嘅低位做住量度線先。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
