【Now財經台】兗煤澳大利亞(03668)昨日(19日)收市後出咗業績，半年收入及純利雙雙倒退，股價今日(20日)裂口低開，母公司兗礦能源(01171)都受拖累，兗煤澳大利亞裂口低開近15%後，跌幅一度擴大至近23%，低見27.7元，錄得逾3年以來最大單日跌幅，成交股數較過去100日同時段平均大增約13倍。
兗煤澳大利亞今日喺大成交下，跌穿自3月引伸出嚟嘅上升軌，已失守大部分移動平均線，暫時喺250天線爭持，但急跌過後似乎有買盤趁低吸納，日線圖出現「鎚頭」形態，留意今日會唔會以全日高位收市。
【股市脈搏】兗煤澳大利亞績後急瀉資金「執死雞」
【分析】 2024/08/20 13:50
