【Now財經台】仙股巨星醫療控股(02393)上周五(16日)收市後發盈喜，預告今年上半年純利大升，刺激股價今日(19日)高開13%後，買盤不斷湧入，升幅隨即擴大至1.2倍，高見0.085元，但午市交投疏落，收市報0.07元，勁升84%，成交股數較過去100日同時段平均激增76倍。
睇返技術走勢，巨星醫療股價去年最後幾個交易日，失守0.1元淪為仙股，而收購爭議至今仍未平息，要小心股價今日反彈，可能同盈喜一樣只係一次性，雖然股價今日倍升，但睇返日線圖，其實呢棍並唔明顯，唯一賣點係估值極低殘，即使用10億元純利計，市盈率(PE)仍不足1倍，但喺基本面冇改善前，投資者都不宜過分憧憬。
