【Now財經台】一年一度嘅Jackson Hole全球央行年會今個星期舉行,其中,聯儲局主席鮑威爾(Jerome Powell)會喺本港時間周五(23日)晚上10時發表講話,依家華爾街押注佢到時會暗示快將減息,亞洲貨幣指數升至7個月高位,其中,以日圓升得最急,據《路透》數據顯示,美元兌日圓低見145.18,日圓上周五(16日)及今日(19日)持續飆升,會唔會觸發新一輪套息交易(Carry Trade)平倉?
光大證券國際環球市場及外匯策略師湯麗鴻指,美元兌日圓逐步由149水平回落至146水平,雖然日圓走強,但暫時應該唔會再引爆拆倉潮,上次日本央行加息幅度超出市場預期,令美元兌日圓回落至141水平,繼而觸發拆倉潮,更經歷「黑色星期一」,但依家日圓喺146水平,相信唔會對環球金融市場造成巨大震盪。
佢又話,嚟緊要留意10月日央行有冇機會繼續加息,最近日本嘅經濟數據表現唔錯,第2季度國內生產總值(GDP)按Kimmy又話,日本周五(23日)會出消費物價指數(CPI),要留意當地通脹有冇升溫,若有上升跡象,日央行10月將好大機會加息,佢又預期,日圓下半年將持續走強。