【Now財經台】截至早上11時止，1小時內《彭博》用戶搜尋量最多港股，依次為長實集團(01113)、長和(00001)、港交所(00388)、海底撈(06862)及小米集團(01810)。
長實及長和上周派咗成績表後，削減派息消息一出，股價即受壓，但今日(19日)齊齊反彈，長實一度升近3%，高見31.65元，長和更曾升近5%，高見41.25元，已完全收復上周五(16日)嘅失地。
富昌證券聯席董事譚朗蔚指，雖然長實股價今日反彈，但由於集團業務集中於本地地產發展，所以市場對公司睇法始終較審慎。
佢又話，反觀長和更可取，業務大部分喺海外，又有穩定資金流派息，長遠而言，資金流穩定性可支撐到長和有較高嘅估值，雖然股價較為落後，但屬於長和系內唔錯嘅收息選擇，可以考慮喺40元水平吸納。
