【Now財經台】國務院總理李強上周五(16日)主持召開國務院第5次全體會議，會上提及要擴大內需、吸引外資及加強外貿，並以提振消費為重點措施，又提到做好重點群體穩就業工作，不過，上周五出爐嘅7月青年失業率，由6月13.2%反彈至17.1%，係2月以來首次回升，李強亦喺會上提及，要研究提高農村及城市地區家庭收入措施，有內媒引消息指，有專家建議動用1萬億人仔，派消費券刺激經濟，呢個方法成效有幾大？
星展銀行(香港)豐盛私人客戶執行董事鄧威信指，派消費券有一定刺激經濟作用，但僅屬緩衝，加上內地正處於經濟轉型期，追求較高質素嘅經濟增長，長遠而言，一定要揾到增長動力來源，不過，派消費券短期會令市場氣氛好轉，增加消費者信心，但長遠始終要揾到增長動力來源。
