【Now財經台】李寧(02331)今朝(16日)出咗中期業績，半年少賺8%，但中期息仍增加4%。此外，中期庫存輕微上升，平均存貨周轉日由57日增至62日。集團指，主要是消費需求疲弱，折扣改善空間收窄，令毛利率受壓。李寧係唔係只可以靠減價去庫存？
紅蟻資本投資總監李澤銘指，李寧一直冇停過做減價促銷，即使集團唔想減價，經銷商亦會施壓要求減價，事實上，整個行業都要靠減價散貨，雖然減價會影響純利及毛利率，但如果繼續囤貨，之後嘅減價力度就要更大。
Alan認為，李寧仍要加快整體去庫存速度，今次平均存貨周轉日增加，令李寧去庫存壓力會比之前更大。
