【傳對沖基金開始「做嘢」】新一波日圓Carry Trade風暴殺埋身？

【Now財經台】早前一輪以日圓為主嘅套息交易(Carry Trade)風暴，搞到環球金融市場風聲鶴唳，野村國際最新指，留意到唔少投資者又開始掟日圓，所得資金轉投收益率更高嘅資產，反映熱衷於套息交易嘅企業客戶及對沖基金「返緊嚟」。

有數據顯示，過去1星期，日圓沽空倉位最多增加約40%，唔少係來自對沖基金及高淨值投資者客戶。