【now.com財經】今朝起身見地下有兩撻濕濕地但見到好完整一粒粒嘅貓糧，應該都係我家肥貓食飽飽之後崩崩跳所以嘔出嚟，還好肥嘢每次嘔都係嘔喺地板、爪爪板或者佢張墊上，即一啲易抹或者掉咗佢就得嘅地，梳化同床多年來無事發生過；所以佢真係好乖(對!我是怪獸家長，高度表揚緊我家肥貓)。
清潔完之後先至再喺作戰室會合班戰友，的確蒲頭時間比平時晏咗少少，還好都仲趕得切喺9點之前睇返今日街貨圖同review走勢圖。完U後見指數向下跌105點，開市報17,008點。下方比定量度線，最低嘅先借8月9日嘅開市上升裂口底部16,930點作下方量度線。而今朝開市後指數向下一挫挫到落到16,926點後，長下影線出現。作戰室好倉捉低開高走。
10點後見指數重新爬返上保歷加通道裡面，係呀，今朝開市嘅時間推到拓闊仲跌咗出通道出面，不過指數低開高走之下迫返上去，同步見Slow STC(14.3)兩線出觸底。
恒指牛(66908)，收回價16,700點，槓桿約有37.9倍，低街貨、成交活躍。
講多兩講，佢倒升啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
