【Now財經台】新西蘭央行爆冷減息0.25厘，紐元應聲跌1%，央行行長更透露曾經諗過減息0.5厘，又講明減息只係剛開始，點解新西蘭咁急減息？同經濟數據有冇關？
東亞銀行財富管理部高級投資策略師黃燕娥指，新西蘭息口一直偏高，但過去礙於當地通脹持續高企，央行冇打算減息。直至上月中，新西蘭消費物價指數(CPI)由4%回落至3.3%，當時市場已預期央行有機會提前減息，令市場更驚訝係，央行貨幣政策由「偏鷹」轉為「偏鴿」。Angela認為，今次減息未必因為經濟數據差，反而同通脹回落有關。
佢又稱，據利率期貨顯示，新西蘭央行會繼續減息，息口明年或降至3厘，紐元兌美元後市有機會下試0.6水平。
