【Now財經台】前兩日已出咗業績嘅B仔股歐康維視生物(01477)，繼股價昨日(13日)急挫10%後，今早繼續插水，最多再跌10%，低見5.92元，收市報6元，跌8.8%。
歐康維視中期收入按年增長62%至1.67億人仔，再創上市以來半年度新高，虧損則收窄至1.5億人仔，始終未能扭轉上市後持續虧蝕嘅局面，不息派。
此外，公司公布跟瑞士愛爾康(Alcon)建立長期戰略關係，高盛及中金都睇好今次合作，但都幫唔到股價，歐康維視股價已跌穿橫行區底部，即6.45元，後市要睇下一個橫行區底部，即5.5元水平有冇支持。
