【Now財經台】萬洲國際(00288)昨晚(13日)出咗業績，股價今日(14日)愈升愈有，午後升幅一度擴大至近9%。雖然中期收入按年跌6%，但多賺逾80%，核心業務肉製品收入跌2%，但經營利潤增長6%。此外，豬肉業務收入跌逾10%，但成功扭虧為盈，帶動整體經營潤大增78%，美國業績第2季亦扭虧，萬洲表現咁好係咩原因？
南華金融集團副總裁莫灝楠指，萬洲業務覆蓋消費必需品及原材料，部分收入就來自養豬，大部分就來自售賣豬肉製品，依家肉製品佔比逾50%，如果豬肉價格升，養豬嘅收入就抵銷唔到買入豬肉製成品嘅成本。不過，集團上半年不論內地及美國，豬肉價格都輕微回調，粟米價格亦自高位回落，令養豬及賣豬肉製品嘅成本下降，就會出現收入跌，純利升嘅情況。
至於下半年業績會唔會持續向好，Casper表示，美國業務方面，若粟米價格持續偏低，將會利好萬洲，但要注意農產品嘅不可預測性及波幅非常高，亦有天氣等不可預測因素影響。內地方面，佢就話…
