【Now財經台】美國通脹持續高企，唔少消費者都唔願意使錢，零售、餐飲業叫苦連天，唔少企業因為消費低迷發盈警，美國各大連鎖快餐店唔想坐以待斃，於是發動價格戰「自救」，繼Burger King今年5月搶閘推5美元超值套餐硬撼M記(麥當勞)，以及老牌快餐店White Castle推售價重返2011年水平嘅漢堡包後，最新KFC(肯德基)都宣布推5美元套餐「留客」。
KFC管理層話，會推出3款「價格令人難以置信」嘅組合，分別係炸雞配薯蓉及鬆餅、炸雞塊配薯條、炸雞塊和薯蓉組成嘅「經典碗」。
有分析指，喺美國經濟有放緩跡象下，加上通脹居高不下，未來會有更多快餐店推出呢類優惠救亡。
