【Now財經台】裕元集團(00551)及寶勝國際(03813)出完業績後，股價齊齊造好，裕元上半年賺逾1.8億美元，達到盈喜上限，不過，收入按年跌逾3%，旗下寶勝上半年就多賺約10%，但收入跌約9%。兩家公司都係收入跌但盈利升，係咪反映純粹靠控制成本推高盈利？
信達國際研究部董事趙晞文指，集團主業係造鞋，今年上半年業績仍算唔錯，首季整體生產量都有增長，考慮到本身主要客戶回補庫存，導致體育用品平均單價下跌，一定會拖累製造業務增長。
晞文又話，裕元上半年業績同之前嘅盈喜絕對值差唔多，run-off因素及匯率抵銷對業績實際影響唔大。雖然裕元收入按年跌逾3%，但值得留意係，呢條數係計埋寶勝，整體而言，上半年業績算對辦。
