【Now財經台】中央部署加快綠色轉型，帶挈環保相關股造好，其中，東江環保(00895)走勢凌厲，股價今日(12日)高開逾1%後，升幅一度擴大至近38%，高見2.08元，其後升幅收窄，成交股數較過去100日同時段平均成交增加40倍。
睇返技術走勢，東江環保股價今日升至去年8月以來高位，一舉突破多條移動平均線，不過，2元水平阻力似乎仍然幾大，暫時仲未企得穩，加上14天相對強弱指數(RSI)上到70嘅超買水平，要留意政策後續發展，可唔可以畀到信心投資者，帶動股價進一步向上，內地唔少環保股受惠於國策而造好，東江環保A股亦漲停板。
