【Now財經台】環球股市周一(5日)經歷「黑色星期一」，「元兇」係日圓爆拆倉潮及憂慮美國經濟陷入衰退，當日爆發環球股災，日本股市暴瀉逾4400點，錄得史上最大單日點數跌幅，同日納指100期貨亦急瀉逾千點，但港股表現相對硬淨，僅跌逾200點。雖然港股之後有得升，惟彈力唔算強，但恒生指數今日(9日)終於上返17000點。市場有分析指，環球減息利好港股，令融資成本下降，帶動人仔向上，但本周仍錄得淨流出，點睇呢個情況？
華夏基金(香港)業務拓展部高級經理李星宇指，港股方面，尤其跟科指相關嘅交易所買賣基金(ETF)，過去1周都有資金流出，值得留意係，今輪資金流出主要是在港上市嘅ETF，反而內地上市追蹤恒指或科指嘅ETF就錄得正流入，反映市場對境外產品，尤其係外資暫時都傾向避險，不過，內地投資者對本港投資市場仍有較大信心。
至於日股有邊類股份可睇高一線，Chris認為，投資者較多留意日本消費企業相關股份，當地百貨公司數目少咗，但店舖面積增加，加上日圓下跌，小生意由歐洲帶到日本，因此，日本消費股值得睇好。
