【now.com財經】噚日揀咗隻恒指牛(65374)出嚟，平均買入價為0.0535元。比較早少少時間出咗【輪證下半Part】皆因想話返比大家知，借返五分鐘圖嘅中軸做量度線。
午後見指數都仍然處於高位範圍徘徊，一度回落到中軸線，但當時都仲未穿。再去到喺大約1點30分，已經見指數壓過中軸，(65374)準備起身離場。
以1點35分起確認指數失守中軸計10分鐘作為走貨時間的話，按期內(65374)高低位做過0.064元/0.054元，平均走貨價為0.059元，即呢一趟平均5.5格或10.28%。
睇返自己呢兩日都係以好倉應市，只可惜恒指呢兩日都係上到17,000點樓上之後無以為繼。今朝指數開市升逾200點，報17,097點開市時時都有少少怕佢高開低走，不過見五分鐘圖仲有半截Slow STC(14.3)可以追，所以作戰室都唔理太多，先隊出隻好倉爬格仔作為今日第一注先。
依家只係9點38分，小時圖上見指數大裂口向上推高至100線前，未上破嘅，不過開始有作勢補8月2日嘅下跌裂口，而裂口底線17,075點可以用嚟做住下方量度線嘅，只係小心整條保歷加通道有似向上，蓋Slow STC(14.3)已經企近超買位，可能過多陣就會觸發到Swing Trade出現。
依家指數喺小時圖明顯被100線同8月2日裂口底線夾住。係要知道倒底指數向邊一條線打過去嘅。如果企得到喺100線之上咁叻女嘅話，恒指牛(66535)，收回價16,650點，同現價有約447點距離，槓桿有紎32.3倍，低街貨；相反，向下落返去過裂口底，甚至重新再loop返入去個「上升楔形」的話，恒指熊(65739)，收回價17,520點，同現價有約362點距離，槓桿約38.1倍。
仲有8分鐘到10點，我諗到我出完、你睇完文之後都已經有答案。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
