【now.com財經】噚日揀咗隻恒指牛(55807)出嚟，平均買入價為0.052元。噚日出【輪證下半Part】時見指數上到接近17,000點前，話咗隻(55807)都真係可以收網。
以噚日嘅【輪證下半Part】出文時間為1點40分，如常的用10分鐘去睇文的話，則於1點50分時見到嗌走貨而掉走隻(55807)的話，用樣用返10分鐘時間去清貨，其內(55807)高低位做過0.063元/0.059元，平均走貨價為0.061元。換言之，呢一趟平均有9格或17.31%落袋。
噚日恒指最後埋單都升230點，總算對近日走勢有少少嘅交代，不過，喺今朝返嚟嘅牛熊證街貨圖大量牛證走貨嘅同時亦都有大量熊證街貨企喺度，明嘅，噚日指數一度迫近17,000點嘅同時亦都靠近日線圖10線，遇上齊點大關仲比多條線嚟遇阻，有乜可能唔出隻淡倉碰碰運氣。
完U後恒指無令人失望地低開，稍稍落返去靠近牛證街貨嘅第一層16,600至16,699點之後，依家10點見指數一度浮返上去，可惜暫時喺五分鐘圖上見指數遇150/10線阻力，令指數有再次下行嘅情況；而作戰室先淡後好都有戰友完成動作，為今日嘅第一注取下正數。
10點過後嘅小時圖見指數今朝出咗「錘頭」物體，指數再重靠近10/20線，只係目前Slow STC(14.3)仲未確認轉勢。所以即使做好倉，呢個位出嘅話只能話係偷步注。
其實依家已經10點半，呢篇文都未出係因為都仲未等到小時圖有比較確認嘅破位走勢，過得到20線但呢一刻未過得到10線，擺位實在尷尬得很。
咁啦，小時圖守得到中軸嘅話，好倉係可以出得到嘅，博埋嗰少少上到保歷加頂/Slow STC(14.3)到超買位，恒指牛(65374)，收回價16,400點，同現價有約350點距離，槓桿有約39倍，算是附近收回價中低街貨、槓桿偏高。
未穩定嘅市就用住爬格仔嘅方式先啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
