【Now財經台】日圓今早(7日)逼近148水平，日本央行副行長內田真一指，近期市場出現動盪，需保持寬鬆貨幣政策，金融市場唔穩定就唔會再加息，咁係咪代表日圓升勢告一段落？
東亞銀行財富管理部高級投資策略師黃燕娥指，日央行加息目的係日圓唔再貶值，官員今次嘅講話可以視為口頭干預，令市場認為日央行唔再有進取嘅加息部署，但睇返今個星期，日圓升得幾急，所以唔排除回調時都會跌得較急。
她又稱，日央行短期有機會再加息，但步伐會相對慢，加幅亦會審慎，因為唔想打擊當地經濟，所以日圓近日都出現回套，下一個較大支持位可以睇150水平。
