【股市脈搏】紛美小股東或成權股爭奪戰贏家

【Now財經台】停牌兩日嘅紛美包裝(00468)今朝(7日)復牌，股價愈升愈有，一度升7%，高見2.56元，升上逾兩年高位。

集團控股權爭奪戰已上演超逾1年，背後涉及紛美兩大客戶蒙牛乳業(02319)及伊利嘅角力，被視為係伊利派系嘅山東新巨豐想奪公司控制權，但最終失敗而回。

隨著紛美主席及共同創辦人考慮提購，或會再掀新一輪股權爭奪戰，小股東有機會受惠，股價今早高位逼近新巨豐當時嘅要約價，若主席及共同創辦人之後真係提出收購，就要用更高、更吸引嘅作價拉攏小股東。