【Now財經台】喺內地經營肯德基(KFC)、必勝客(Pizza Hut)等餐廳嘅百勝中國(09987)，開市前公布第2季多賺近8%。今朝股價大幅跑贏大市，高開4%後升幅擴大，臨近中午一度逾11%，高見255.4元，午後仍能保持升勢。
雖然富瑞對業績唔係太收貨，指由於Pizza Hut表現不如預期，上季收入26.8億8美元，低過市場預期3%至4%。不過，摩根士丹利同高盛都唱好百勝。
高盛指，毛利率和純利勝預期，反映公司嘅強勁控制成本能力。一眾品牌中，以肯德基的直營和特許經營模式，開店速度最快，未來要關注其他餐廳品牌，包括必勝客的開店城市選址策略和店舖模式，以及有否進一步削減成本空間，抵銷推廣及人工開支上升。
市場本來對百勝上季業績無咩期望，股價喺7月底碌過落225.2元，創上市新低，結果業績好過預期，今日成功收復50天線，下一站可以上望100天線，即約276元，但距離現價頗遠。
