【Now財經台】今朝(5日)港股新加坡黑期反彈逾200點，上返17000點水平，美元下跌，帶動離岸人仔一度創今年新高，高見7.0844兌1美元，人民銀行有空間做野之餘，港元亦上返強方兌換保證水平，投資者係咪要等恒生指數上返17000點再入貨？
高富金融集團投資總監梁偉民表示，相比亞太區其他股市大幅波動，港股係較穩定，睇返昨日(6日)港股收市都只係跌約1%。投資者應唔應該撈底，Wyman就話，暫時冇好大誘因撈底，因為港股仍然較弱，處於幾個月低位，加上恒指短期應較難大幅反彈，所以建議做中線部署。
Wyman又指，人仔走勢係港股主要利好因素，日圓轉強，加上市場預期美國聯儲局好快減息，更可能會大手減息，都會紓緩人仔沽壓，加上唔少內地企業喺港股上市，收入及盈利主要係人仔，依家人仔轉強，折算返做港元會多咗，自然對港股都有幫助。
