【Now財經台】市場風險胃納下降，唔止股市受壓，被指為數碼黃金嘅虛擬貨幣亦被拋售，比特幣(Bitcoin)價格一度跌穿50000美元，以太幣(Ethereum)更大冧逾20%。呢股拋售潮會持續幾耐？
獨立外匯商品分析師譚家康指，其實虛擬貨幣唔太適合稱為數碼黃金，因為發揮唔到避險作用，Bitcoin由第1季起已多次大幅波動，對於今輪跌浪，市場上有聲音指，較支持Bitcoin嘅特朗普(Donald Trump)面對新競選對手賀錦麗(Kamala Harris)，未必一定可以勝選，導致Bitcoin價格下滑，但Pierce反而認為，睇返Bitcoin跌穿低位嘅關鍵時間點，係發生於伊朗及黎巴嫩都話要對付以色列期間，似乎係恐怖分子賣Bitcoin套現應戰。
Pierce續指，如果Bitcoin喺49000美元搵唔到支持，就要跌到45000美元水平才有支持。
