【Now財經台】內需股持續弱勢，消費疲弱下生意難做，導致餐飲股爆盈警潮，最少有5隻股份發咗盈警。一眾火鍋股中，九毛九(09922)仲有錢賺，反觀呷哺呷哺(00520)唔單止中期收入下跌，更要轉蝕最多2.8億元人民幣，話主要受累消費降級、競爭激烈，以及關閉部分店舖產生嘅減值損失。
對比同業，呷哺嘅經營狀況係咪最嚴峻？博威環球證券金融首席分析師聶振邦指，呷哺嘅業績表現一向飄忽，雖然去年上半年按年轉賺210萬人仔，但利潤率一直只得低單位數，反映集團成本控制唔理想。雖然大型餐飲企業嘅資金儲備較充裕，但現時內地經濟復甦緩慢，呷哺呷哺虧損嘅壓力就顯得比其他股份更大。
