【期匯決算】英倫銀行好大機會再減息

【Now財經台】英倫銀行議息後，宣布減息0.25厘，指標利率由5.25厘的16年高位下調至5厘，係2020年3月以來首次，議息結果公布後，英鎊一度重上1.28水平，但隨著美元回穩，英鎊亦開始轉弱。雖然有分析預期，英倫銀行會再減息，但行長強調減息唔可以太快或太多，到底英國今年會唔會再減息？

瑞穗銀行首席亞洲外匯策略師張建泰指，英倫銀行好大機會再減息，因為全球通脹回升嘅機會更細，英國通脹回落速度比美國快。Ken續指，由於投資者對英倫銀行再減息睇得相對中性，所以英鎊仍會波動，暫時亦未有明顯方向。