【Now財經台】最近投資市場氣氛及市況明顯轉差，加上美國最新公布嘅經濟數據唔理想，對美國經濟陷入衰退嘅憂慮升溫，令聯儲局會9月開始減息嘅機會進一步增加，今年餘下嘅3次議息會議，甚至有機會每次都會宣布減息，美股後市都好難樂觀？
勝利瑞柏基金管理合伙人暨投資總監陳建良估計，美股應該已進入熊市，3大指數都已經見頂，過往冇通脹時，利率可以一次過減到零救市，但依家通脹仲未落到2%嘅目標水平就開始減息，反映聯儲局今次「彈藥」有限。
KL又話，依家正值美股業績期，暫時出咗嘅業績有好有壞，但市場整體都係傾向睇淡，加上市場都心知肚明美息唔會不停減落去，所以焦點即時轉移睇返經濟轉差嘅倩況會維持幾耐，因此，佢估計，美股應該會再調整得深啲。
