【Now財經台】蘋果公司(Apple Inc.)季績好過預期，純利及收入按年增長近8%，不過，似乎未能帶挈Apple概念股，其中，舜宇光學科技(02382)受光學產品升級需求見頂拖累，股價今年已累跌逾40%，就算7月底發盈喜都救唔到股價，到底舜宇幾時見底？
註冊財務策劃師協會會長黃敏碩表示，睇返咁多隻Apple概念股，依家市場對瑞聲科技(02018)憧憬較大，反而愈來愈睇淡人工智能(AI)對舜宇帶來嘅刺激作用，加上手機生產商要增加資本開支，相機或鏡頭模組業務唔係佢哋首選，加上舜宇業務冇市場想像中行得咁快。
黃敏碩又認為，舜宇月底出嘅中期業績唔會唔咁快有改善，睇返市場嘅風險胃納似乎冇太大期望，寧願眼見為實，等之後見情況遠好過預期先考慮買返上去，好過依家承受調整壓力，佢認為，投資者不妨考慮其他非鏡頭相關嘅手機設備股。
