【Now財經台】全球3大央行本周已先後公布議息結果，其中，日本央行爆冷加息兼削減買債，告別負利率對投資者造成巨大衝擊之餘，更令市場出現結構性轉變，尤其係利差交易(Carry Trade)。日央行突然加息，刺激日圓大升，一度衝上4個半月高位，日圓係咪已確認轉勢？
馬山資本董事總經理林子傑認為，現階段話日圓已扭轉弱勢屬言之尚早，因為匯價同利率係相對，依家日本利率係全球主要國家中較低。此外，日央行選擇喺呢個時間調整金融政策，可能係要趕在9月自由民主黨總裁選舉前「做啲實事」，以紓緩日本通脹壓力，即使基於選舉考慮，日央行想年底前再加息，可能最多只加1次。
